काठमाडौं । विद्युत् नियमन आयोगले आँखुखोला जलविद्युत कम्पनीलाई १५० प्रतिशत हकप्रद शेयर निष्कासन गर्न स्वीकृती दिएको छ ।

आयोगले कम्पनीलाई हाल कायम १ कित्ता शेयर बराबर नयाँ १ दशमलव ५ कित्ता शेयर निष्कासनका लागि स्वीकृती दिएको हो ।

अव कम्पनीले हाल कायम चुक्तापूँजी ८० करोड रुपैयाँको १५० प्रतिशतका दरले हकप्रद शेयर निष्कासन गर्नेछ ।गत जेठ १८ गते बसेको आयोगको बैठकले उक्त दरमा हकप्रद शेयर निष्कासनका लागि कम्पनीलार्ई अनुमति दिएको हो ।

कम्पनीको आगामी वार्षिक साधारण सभाले हकप्रद निष्कासन गर्ने प्रस्ताव पारित गरेपश्चात सो हकप्रद शेयर निष्कासन हुनेछ ।