काठमाडौँ। समृद्धि फाइनान्स कम्पनी लिमिटेडले संस्थापक शेयर बिक्रीमा ल्याएको छ । कम्पनीले संस्थापक शेयर धनीको नाममा रहेको १ हजार ५०० कित्ता संस्थापक शेयर बिक्रीमा ल्याएको हो ।
उक्त शेयर हाल कम्पनीका विद्यमान संस्थापक शेयर धनीहरूले मात्रै किन्न पाउँछन् । यदि ३५ दिनभित्र संस्थापक सेयर धनीले शेयर नकिनेको खण्डमा शेयर सर्वसाधारणले मात्र किन्न पाउने गरी बिक्रीमा राखिने भएको छ ।
शेयरको न्यूनतम मूल्य १०० रुपैयाँ प्रतिकित्ता तोकिएको छ । शेयर किन्न इच्छुक सेयर धनीले आफूले किन्न चाहेको शेयर विवरण खुलाई सञ्चालक समितिलाई सम्बोधन गरी निवेदन दिनु पर्नेछ।
