काठमाडौं । नेपाल विद्युत् प्राधिकरणको निमित्त कार्यकारी निर्देशकको जिम्मेवारीमा दीर्घायु श्रेष्ठलाई नियुक्त गरिएको छ ।
ऊर्जा, जलस्रोत तथा सिँचाइमन्त्री विराजभक्त श्रेष्ठले बुधबार श्रेष्ठलाई उक्त पदमा नियुक्त गरेका हुन् । यसअघि उनी प्राधिकरणको वितरण तथा ग्राहक सेवा निर्देशनालयमा उपकार्यकारी निर्देशकका रूपमा कार्यरत थिए ।
यसअघि प्राधिकरणको कार्यकारी निर्देशकको जिम्मेवारीमा हितेन्द्र देव शाक्य रहेका थिए । तर सरकारद्वारा जारी सार्वजनिक पदाधिकारीको पदमुक्तिसम्बन्धी विशेष व्यवस्था अध्यादेश, २०८३ अनुसार उनी स्वतः पदमुक्त भएका थिए ।
त्यसपछि रिक्त भएको नेतृत्वमा तत्कालै श्रेष्ठलाई निमित्त कार्यकारी निर्देशकको जिम्मेवारी दिइएको हो ।
