काठमाडौँ । नेपालकै अग्रणी इलेक्ट्रोनिक्स तथा होम एप्लायन्स ब्रान्ड सीजी (CG) ले आफ्नो प्रिमियम श्रेणी ‘सीजी मेरिडिया’ अन्तर्गत यसअघि बजारमा ल्याएको ‘एस्प्रेसो मेकर (Model: CGMRCM01)’ ले छोटो अवधिमै नेपाली कफी पारखीहरूको मन जित्न सफल भएको छ।
नेपालमा बढ्दो कफी संस्कृति (Coffee Culture) र हाल देशभर भइरहेको वर्षा तथा ओसिलो मौसमको समयमा तात्तातो पेय पदार्थको आवश्यकतालाई ध्यानमा राख्दै, सीजीले आफ्नो स्मार्ट डोमेस्टिक एप्लायन्सेस (SDA) पोर्टफोलियोलाई अझ विस्तृत बनाएको छ। यसै अनुरूप, घर वा अफिसमै ‘क्याफे’ जस्तै फ्रेस ‘ब्रुअड कफी’ (Brewed Coffee) को आनन्द दिन कम्पनीले अत्याधुनिक ‘ड्रिप कफी मेकर’ (Model: CGMRCM02) सार्वजनिक गरेको छ।
बढ्दो कफी संस्कृति र घरमै ‘क्याफे’ को अनुभव
पछिल्लो समय नेपालमा कफी पिउने संस्कार एउटा जीवनशैली नै बनिसकेको छ। उपभोक्ताहरू अब सामान्य ‘इन्स्ट्यान्ट कफी’ मा मात्र सीमित नभई, कफीको वास्तविक सुगन्ध र स्वाद रुचाउन थालेका छन्। एस्प्रेसो मेकरले कडा कफीको चाहना पूरा गर्छ भने ‘ड्रिप कफी’ विश्वभर नै घर र कर्पोरेट अफिसहरूमा सबैभन्दा धेरै रुचाइने सरल ‘ब्रुइङ’ विधि हो। तातो पानी बिस्तारै कफीको धुलोमाथि तप्किएर (Drip भएर) बन्ने यो विधिले कफीको प्राकृतिक सुगन्ध (Aroma) र स्वादलाई उत्कृष्ट रूपमा बाहिर ल्याउँछ। एकैपटक धेरै मात्रामा कफी बनाएर पिउन रुचाउने परिवार र कर्पोरेट अफिसका लागि यो स्मार्ट उपकरण सबैभन्दा उपयुक्त विकल्प हो।
सीजी मेरिडिया ड्रिप कफी मेकरका मुख्य विशेषताहरू:
आधुनिक भान्सालाई स्मार्ट बनाउने उद्देश्यका साथ यसमा उत्कृष्ट सुविधाहरू समावेश गरिएका छन्:
- १.२५ लिटरको ग्लास क्याराफे: ठूलो क्षमता भएको आकर्षक सिसाको जगले एकैपटक धेरै कप कफी तयार पार्न सक्छ। ‘इजी-ग्रिप’ ह्यान्डलसहितको यो डिजाइन साथीभाइसँगको जमघट वा अफिसको मिटिङका लागि एकदमै उपयुक्त छ।
- समयको बचत र शक्तिशाली पर्फर्मेन्स: ७५० वाटको पावरले गर्दा यसले निकै कम समयमा तात्तातो र स्वादिलो कफी तयार पार्छ, जसले व्यस्त जीवनशैलीमा ठूलो राहत दिन्छ।
- वर्मिङ प्लेट (Warming Plate): कफी चिसो हुने समस्यालाई अन्त्य गर्न यसमा विशेष प्लेट राखिएको छ, जसले कफी तयार भएको ४० मिनेट पछिसम्म पनि यसको तापक्रम र फ्रेसनेसलाई यथावत् राख्छ।
- एन्टी-ड्रिप स्टप मेकानिजम: कफी चुहिनबाट रोक्ने यो नवीन प्रविधिले भान्सा वा अफिसको काउन्टरलाई सधैँ सफा र ‘हाइजेनिक’ राख्न मद्दत गर्छ।
- सुरक्षा र ऊर्जा बचत: ऊर्जा खपत कम गर्न ‘अटो-सट अफ’ (Auto-shut off) र मेशिनलाई सुरक्षित राख्न ‘बोइल ड्राई प्रोटेक्सन’ (Boil dry protection) जस्ता स्मार्ट सुविधाहरू यसमा समावेश छन्।
आकर्षक डिजाइन र पहुँच
ब्ल्याक र सिल्भर कलरको प्रिमियम फिनिसिङमा उपलब्ध यो ड्रिप कफी मेकरले आधुनिक भान्सा वा कर्पोरेट अफिसको सजावटमा थप आकर्षण प्रदान गर्नेछ। यसको साथमा आउने विशेष ‘फिल्टर र कफी स्पुन’ ले ड्रिपिङ प्रक्रियालाई थप सटिक र सहज बनाउँछ।
यो नयाँ कफी मेकर देशभर रहेका २८ वटा अत्याधुनिक शोरुमहरू (सीजी डिजिटल र एलजी ब्रान्ड शप ), विस्तृत आधिकारिक बिक्रेता सञ्जाल र अनलाइन पोर्टल cgdigital.com.np मार्फत सहजै खरिद गर्न सकिन्छ। साथै, ४० भन्दा बढी सेवा केन्द्रहरू (CG Care) मार्फत बिक्रीपछिको भरपर्दो प्राविधिक सहयोग सुनिश्चित गरिएको छ।
“नेपालमा कफी संस्कृतिको तीव्र विकाससँगै हामीले उपभोक्ताको भान्सालाई अझ स्मार्ट र आधुनिक बनाउन SDA पोर्टफोलियो विस्तार गरिरहेका छौँ,” सिजी इलेक्ट्रोनिक्सका एक अधिकारीले बताए। “Experience Life with CG” को मूल नारालाई आत्मसात गर्दै सीजीले आगामी दिनमा पनि जीवनशैलीलाई सहज बनाउने नवीन स्मार्ट उपकरणहरू बजारमा ल्याइरहने प्रतिबद्धता व्यक्त गर्दछ।
