काठमाडौं । सानिमा बैंक र नविलको बोनस सेयर बजारमा सूचीकृत भएको छ।
वाणिज्य बैंकमा सबैभन्दा पहिले बोनस घोषणा गरेको नविलको कुल १ करोड ८५ लाख ७७ हजार १४० कित्ता बोनस थप भएको हो ।
त्यस्तै सानिमा बैंकको १ करोड १० लाख ३६ हजार २१४ कित्ता पनि सूचीकृत भएको छ। नविलले गत आवको नाफाबाट ३० प्रतिशत तथा सानिमाले १५ प्रतिशत बोनस दिएका हुन्।
बोनस सूचीकृत भएसँगै अब लगानीकर्ताको डिम्याट खातामा हस्तान्तरण भई खरिदबिक्री सुरु हुनेछ। सूचीकृतपश्चात् उक्त कम्पनीको शेयर सम्बन्धीत शेयरधनीहरुको हितग्राही खातामा जम्मा भएपछि धितोपत्र दोस्रो बजारमा कारोबार गर्न पाउनेछ।
