काठमाडौं । मान्डु हाईड्रोपावरको विद्युत बिक्री आम्दानी घटेपनि खुद नाफामा भने बृद्धि भएको छ ।
४ प्रतिशतले घटेको आम्दानीमा ११.७८ प्रतिशतले खुद नाफा बढेको छ। चालु आर्थिक वर्ष २०८०–८१ को दोस्रो त्रैमाससम्मको अपरिष्कृत वित्तीय विवरण अनुसार माण्डूले १७ करोड ५ लाख ८० हजार रुपैयाँ खुद नाफा आर्जन गरेको हो।
गत आवको सोही अवधिसम्म कम्पनीले १५ करोड २६ लाख ६ हजार रुपैयाँ खुद नाफा कमाएको थियो । मान्डु हाईड्रोपावरले विद्युत बिक्रीबाट आम्दानीबाट ४१ करोड ५२ लाख २९ हजार रुपैयाँ आम्दानी गरेको छ ।
त्यस्तै गत आवमा कम्पनीले विद्युत बिक्रीबाट ४३ करोड २७ लाख २९ हजार रुपैयाँ कमाएकोमा ४.०४ प्रतिशतले घटेको तथ्याकंमा उल्लेख छ । चुक्ता पुँजी १ अर्ब ३६ करोड ३६ लाख ३७ हजार रुपैयाँ रहेको कम्पनीको वार्षिकृत प्रतिसेयर आम्दानी २५ रुपैयाँ २ पैसा छ ।
यस्तै कम्पनीको प्रतिसेयर नेटवर्थ १३९ रुपैयाँ ७९ पैसा र मूल्य आम्दानी अनुपात २९.४२ गुणा छ । कम्पनीको वित्तीय खर्च २३.२८ प्रतिशत घटेर १२ करोड ९ लाख ७ हजार कायम भएको छ । कम्पनीसँग २ अर्ब १२ करोड १५ लाख रुपैयाँ ऋण दायित्व छ ।
भने कम्पनीको जगेडा कोषमा ३७ करोड १९ लाख ३३ हजार रुपैयाँ रहेको छ । कम्पनीको सेयर प्रिमियममा १७ करोड ६ लाख रुपैयाँ सञ्चित छ ।
