काठमाडौँ । आइतबार स्थानीय बजारमा सुनको मूल्यमा सामान्य गिरावट देखिएको छ। आज सुन प्रतितोला १ हजार रुपैयाँले सस्तो हुँदै २ लाख ९८ हजार ९ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।
यसअघि शुक्रबार सुनको मूल्य प्रतितोला २ लाख ९९ हजार ९ सय रुपैयाँ कायम भएको थियो। हाल १० ग्राम सुनको दर २ लाख ५६ हजार २६० रुपैयाँ निर्धारण गरिएको छ।
यता, सुनको मूल्य घट्दा चाँदीको भाउ भने बढेको छ। आज चाँदी प्रतितोला २५ रुपैयाँले वृद्धि भई ५ हजार ३ सय रुपैयाँमा कारोबार भइरहेको छ।
