काठमाडौँ । स्थानीय बजारमा सोमबार सुनको मूल्य पुनः घटेको छ। अघिल्लो दिन १ हजार रुपैयाँले घटेको सुन आज पनि सस्तो भएको हो।
आज सुनको मूल्य थप ४ सय रुपैयाँले ओरालो लाग्दै प्रतितोला २ लाख ९८ हजार ५ सय रुपैयाँमा कायम भएको छ। यसअघि आइतबार भने प्रतितोला २ लाख ९८ हजार ९ सय रुपैयाँमा कारोबार भएको थियो।
त्यस्तै, १० ग्राम सुनको मूल्य आज २ लाख ५५ हजार ९१५ रुपैयाँ निर्धारण गरिएको छ।
उता, चाँदीको मूल्य भने बढेको छ। अघिल्लो दिन प्रतितोला ५ हजार ३ सय रुपैयाँ रहेको चाँदी आज ४० रुपैयाँले बढेर ५ हजार ३४० रुपैयाँ पुगेको छ।
